صہیونی حکام کا یوکرینی یہودیوں کی شہریت کیلیے آسان شرائط کا فیصلہ

(روزنامہ قدس ۔آن لائن خبر رساں ادارہ) صہیونی  قانون میں ایسے یہودی جن کے والدین اور دادا، دادی یا نانا، نانی یہودی ہوں وہ ان یہودی افراد میں شامل ہوتے ہیں جنہیں اسرائیل اپنی شہریت دے گا۔

تفصیلا ت کے مطابق قابض ریاست اسرائیل نے روس اور یوکرین میں جاری جنگ کی وجہ سے ان یہودی خاندانوں کو اسرائیل میں آباد کرنےکے لیے اپنے شہریت کے قانون میں نرمی کرتے ہوئے شہریت کی اجازت دے دی ہے جو جنگ سے قبل مستقل بنیادوں پر یوکرین میں رہائش پزیر تھے۔

ذرائع نے بتایا ہے کہ صہیونی وزارت داخلہ کے مطابق یوکرین میں موجود 10ہزار سے زائد یوکرینی یہودیوں نے اسرائیل منتقل ہونےکے لیے متعلقہ ایجنسی سے رابطہ کیا ہے جنہیں اسرائیل کی شہریت دی جائے گی البتہ اس قانون کی رو سے صرف ان افراد کی درخواستوں کو قبول کیا جائےگا جو اسرائیلی مذہب کے مطابق یہودی ہیں۔

یاد رہےکہ صہیونی  قانون میں ایسے یہودی جن کے والدین اور دادا، دادی یا نانا، نانی یہودی ہوں وہ ان یہودی افراد میں شامل ہوتے ہیں جنہیں اسرائیل اپنی شہریت دے گا۔