(روزنامہ قدس ۔آن لائن خبر رساں ادارہ) غزہ میں شہریوں نے محمد العوضی کو اس اعلیٰ اقدام پر بھر پور خراج تحسین پیش کر تے ہوئے بل بورڈ پر فلسطین کے جھنڈے اور کویت کے جھنڈے کے ساتھ العوضی کی تصویرآویزاں کی ہے اورالعوضی کا حوالہ دیتے ہوئے لکھا ہے، "فلسطین کو بہادروں پر فخر ہے۔”
ذرائع کے مطابق گذشتہ روزمقبوضہ فلسطین کے محصور علاقے غزہ کی پٹی میں شہر کے مرکز السرایا چوراہے پر ایک بہت بڑا بل بورڈ جس پر 14 سالہ کم عمر کویتی ٹینس کھلاڑی محمد العوضی کی تصویر سجائی گئی جس نے حال ہی میں متحدہ عرب امارات میں منعقد ہونے والے بین الاقوامی ٹینس ٹورنامنٹ سے دستبرداری کا اعلان کیا کہ جب اسے اطلاع دی گئی کہ اس کا حریف ایک صہیونی کھلاڑی ہے۔
غزہ میں شہریوں کی جانب سے محمد العوضی کو اس اعلیٰ اقدام پر بھر پور خراج تحسین پیش کر تے ہوئے بل بورڈ پر فلسطین کے جھنڈے اور کویت کے جھنڈے کے ساتھ العوضی کی تصویرآویزاں کی گئی ہے اورالعوضی کا حوالہ دیتے ہوئے لکھا ہے، "فلسطین کو بہادروں پر فخر ہے۔”
کویت کی پارلیمنٹ کے رکن، اسامہ الشہین نےبھی سماجی رابطوں کی ویب سائٹ ٹوئٹر پر اپنے پیغام میں لکھا ہے کہ "کویت کے ہیرو محمد العوضی کو صہیونیوں کے ساتھ کھیلوں کے مقابلے کو معمول پر لانے سے انکار پر سلام اور شکریہ۔”
کویت نے طویل عرصے سے فلسطین کے حامی سخت مؤقف کو برقرار رکھا ہے، اور اس نے قابض ریاست کے ساتھ تعلقات کو معمول پر لانے سے انکار کر دیا ہےاس کے علاوہ کویتی وزیر تعمیرات عامہ، رانا عبداللہ الفریس نے بھی دسمبر میں ایک حکم نامہ جاری کیا تھا جس میں تجارتی جہازوں کے ‘اسرائیل’ سے سامان لے جانے اور کویت کے علاقائی پانیوں میں داخلے پر پابندی عائد کی گئی ہے۔