(روزنامہ قدس ۔آن لائن خبر رساں ادارہ) ذرائع نے بتایا کہ تین فلسطینی ڈاکٹروں نے شہید کے جسم کا معائنہ کیااور تصدیق کی ہے کہ شہید دل کے مسائل میں مبتلا تھےتاہم گرفتاری کے بعد ان پر تشدد کیا گیااور ان کے چہرے اور سر پربھی چوٹیں آئیں۔
ذرائع کے مطابق گذشتہ روز مقبوضہ فلسطین میں صہیونی فوج کی حراست میں 80 سالہ عمر اسعدنامی بزرگ فلسطینی کے قتل کی تحقیقات کے لیےکیےجانے والے پوسٹ مارٹم کی رپورٹ سامنے آگئی جس سے پتا چلتا ہے کہ عمر اسعد کو بے دردی کے ساتھ تشدد کا نشانہ بنا کر شہید کیا گیا۔
ذرائع نے بتایا کہ تین فلسطینی ڈاکٹروں نے شہید کے جسم کا معائنہ کیااور تصدیق کی ہے کہ شہید دل کے مسائل میں مبتلا تھےتاہم گرفتاری کے بعد ان پر تشدد کیا گیااور ان کے چہرے اور سر پربھی چوٹیں آئیں، پوسٹ مارٹم کے نتائج سے ثابت ہوا ہے کہ شہید اسعد کو جسمانی تشدد کے نتیجے میں دل کا شدید دورہ پڑا تھا، جو قابض فوج کے اس بیان سے متصادم ہے کہ اس نے ان پر تشدد نہیں کیا گیا۔
واضح رہے کہ مقبوضہ فلسطینی شہر رام اللہ کے شمال میں واقع گاؤں جلجلیہ سےتعلق رکھنے والے شہید اسعد کو بارہ جنوری کو شدید سردی میں قابض فوج نے گرفتار کر کے حراست میں لیا تھااور شہادت کے بعد ان کی لاش کےگھر کے قریب پھینک دی تھی۔