(روزنامہ قدس ۔آن لائن خبر رساں ادارہ) صہیونی فوج نے بغیر کسی نوٹس کے فلسطینی کے مکان کو مسمار کر کے 12 افراد پر مشتمل خاندان کوکھلے آسمان کے نیچے زندگی گزارنے پر مجبور کر دیا۔
ذرائع کے مطابق گذشتہ روزاسرائیلی صہیونی فوج نے مقبوضہ فلسطین کی وادی النقب میں السید قصبے پر بلا جواز چھاپہ مار کارروائی کر تے ہوئے ایک فلسطینی کے مکان کو مسمار کردیا جس کےباعث گھرکے مکین جن میں 4 خواتین اور7 بچے بھی شامل ہیں12 افراد پر مشتمل خاندان کھلے آسمان کے نیچے آگیا۔
صہیونی بلدیہ کی ہدایات پر اسرائیلی فوج کے ہاتھوں فلسطینی خاندان کے گھر کی مسماری کے متعلق مکان کے مالکان نے بتایا کہ ماہ قبل اسرائیلی ادارے نے ان کے گھر کو غیر قانونی قرار دے کر مسماری کے نوٹس جاری کیے تھے جس کے بعد اس خاندان نے اسرائیلی بلدیاتی ادارے میں اپنے مکان کے قانونی کاغذات جمع کراکر مسماری رکوائی تھی تاہم گذشتہ روز صہیونی فوج کی جانب سے بغیر کسی نوٹس کے ان کے مکان کو گرادیا گیا۔