(روزنامہ قدس ۔آن لائن خبر رساں ادارہ) صہیونی فوج نے فلسطینی صحافی پر اسرائیل مخالف خبروں کی اشاعت کا الزام عائد کیا اور اس کے خاندان کے سامنے وحشیانہ تشدد کرتے ہوئے حراست میں لے لیا۔
ذرائع کے مطابق گذشتہ روز مقبوضہ مغربی کنارے میں اسرائیلی قابض فوج نے الخلیل شہر سے فلسطینی صحافی مصعب قفیشہ کو بغیر کسی وجہ کے ان کے گھرپر چھاپہ مار کارروائی کرکےحراست میں لے لیا۔
مسلح صہیونی فوج نے گھر میں داخل ہوکرصحافی کے خاندان کے سامنےاس پروحشیانہ تشدد کیااورروائیتی توڑ پھوڑ کرتے ہوئے گھرکے قیمتی سامان کو تباہ کردیا، فوجی اہلکاروں نے فلسطینی صحافی پر اسرائیل مخالف خبروں کی اشاعت کا الزام عائد کیااور مختلف مقامات پرکیمرے میں محفوظ اسرائیلی مظالم کی فوٹیج کو ضائع کرنے کیلیے صحافی کے کیمرے کی تلاشی لی۔
واضح رہے کہ قابض ریاست اسرائیل میں فلسطینی صحافیوں کو براہ راست نشانہ بنایا جارہا ہے اوراس وقت پوری دنیا میں جہاں کہیں ریاستیں جنگی حالات کا مقابلہ کررہی ہیں ان میں اسرائیل پہلے نمبر پر ہے جس کی فورسز نے سب سے زیادہ صحافیوں کا قتل عام اور ان کے بین الاقوامی حقوق کی خلاف ورزی کی ہے۔