(روزنامہ قدس ۔آن لائن خبر رساں ادارہ) یورپی یونین نے کہا کہ واقعے کی فوری تحقیقات کی جائے اورتمام فریقین کو کشیدگی میں اضافے کے اقدامات سے بچنے اور ان حساس حالات میں تحمل کامظاہرہ کر نے پر زور دیا۔
عالمی نشریاتی ادارے کے مطابق گذشتہ روز مقبوضہ بیت المقدس میں فلسطینی مظاہرین پرصہیونی فوج کی اندھا دھند فائرنگ سے47 سالہ فلسطینی خاتون غدا ابراہیم سباطین کی شہادت کا نوٹس لیتے ہوئے یورپی یونین مذمتی بیان جاری کیا ہے جس میں شہید خاتون کے اہل خانہ کے ساتھ اظہار افسوس کیا گیا ہے۔
یورپی یونین کی جانب سے بیان میں کہا گیاہے کہ القدس میں قابض فوج کی نہتے شہریوں پرصہیونی فوج کے مہلک ہتھیاروں سے طاقت کا بدترین استعمال نا قابل قبول ہے۔
یورپی یونین نے کہا کہ واقعے کی فوری تحقیقات کی جانی چاہیے اور مجرموں کو کیفر کردار تک پہنچایا جائے جبکہ تمام فریقین کو کشیدگی میں اضافے کے اقدامات سے بچنے اوران حساس حالات میں تحمل کامظاہرہ کر نے پر زور دیا۔