(روزنامہ قدس ۔آن لائن خبر رساں ادارہ) صہیونی فوج کی اندھا دھند گولیوں کا نشانہ بن کر ہسپتال میں شہید ہونے والی فلسطینی لڑکی 2 ماہ بعد ہائی اسکول میں داخلے کیلیے رجسٹریشن کی خواہش مند تھی۔
تفصیلات کے مطابق مقبوضہ فلسطین میں جنین کے علاقےفقوہ سے تعلق رکھنے والی ایک18 سالہ فلسطینی لڑکی حنان محمود خضور جھڑپوں کے دوران قابض فوج کی اندھی گولیوں کا نشانہ بن کربری طرح زخمی حالت میں ہسپتال لائی گئی تھی تاہم 2 روز شدید تکالیف کا مقابلہ کرنے کے بعد فلسطینی لڑکی بالآخرزخموں کی تاب نہ لاتے ہوئے جان کی بازی ہار گئی۔
فلسطینی باشندوں اور صہیونی اہلکاروں کے مابین گذشتہ ہفتے کے دوران وقفے وقفے سے جاری ان جھڑپوں کے سلسلے میں مختلف مقامات سے اب تک درجنوں شہریوں کو زخمی اور گرفتار کیا جاچکا ہےجن میں حنان محمود خضور جیسےطالب علم سمیت درجنوں بے گناہ زخمی حالت میں ہسپتالوں میں دم توڑ چکے ہیں۔