(روزنامہ قدس ۔آن لائن خبر رساں ادارہ) فلسطینی اتھارٹی کی وزارت خارجہ نے ان شہادتوں کی شدید الفاظ میں مذمت کی ہے اور بین الاقوامی تحقیقات کا مطالبہ کر تے ہوئے اسے "گھناؤنا جرم” قراردیا ہےساتھ ہی صہیونی حکومت اور وزیر اعظم نفتالی بینیٹ کو مکمل طور پر اور براہ راست اس جرم کا ذمہ دار ٹھہرایاہے۔
ذرائع سے موصولہ اطلاعات کے مطابق فلسطینی وزارت صحت نےاپنے جاری کردہ ایک بیان میں تصدیق کی ہے کہ مقبوضہ مغربی کنارے کے شہر نابلس میں قابض اسرائیلی سیکیورٹی فورسز کی اندھا دھند فائرنگ کے نتیجے میں تین فلسطینیوں کو گولیاں لگیں جس کے باعث شہریوں کی موقع پر شہادت ہو ئی ہے۔
ذرائع نے بتایا کہ شہید ہونے والے فلسطینی جن کے نام اشرف مبسلات، ادھم مبروکہ اور محمد دخیل بتائے جاتے ہیں پر صہیونی فوج نے اس وقت فائرنگ کیاور کار کو گولیوں سے چھلنی کردیا جب وہ المخفیہ علاقے کی جانب جارہے تھے۔
عینی شاہدین کے مطابق بڑے پیمانے پر صہیونی اہلکاروں نے کار سوار شہریوں پر گھیراؤ کر کے اچانک اندھا دھند گولیاں برسانا شروع کیں۔
خیال رہے کہ فلسطینی اتھارٹی کی وزارت خارجہ نے ان شہادتوں کی شدید الفاظ میں مذمت کی ہے اور بین الاقوامی تحقیقات کا مطالبہ کر تے ہوئے اسے "گھناؤنا جرم” قراردیا ہےساتھ ہی صہیونی حکومت اور وزیر اعظم نفتالی بینیٹ کو مکمل طور پر اور براہ راست اس جرم کا ذمہ دار ٹھہرایاہے ۔