(روزنامہ قدس ۔آن لائن خبر رساں ادارہ) قابض اسرائیلی فوج اور فلسطینیوں کے درمیان جھڑپوں کے دوران صہیونی اہلکاروں نے نہتےفلسطینی شہری فواز احمد حمائل پر گولیاں چلائیں جس کے نتیجے میں شدید زخمی فلسطینی ایک روز بعد چل بسا۔
ذرائع کے مطابق گذشتہ روز مقبوضہ فلسطین کے علاقے نابلس میں بیتا قصبے میں قابض صہیونی فوج اور فلسطینیوں کے درمیان تصادم کے نتیجے میں درجنوں شہریوں کے زخمی ہونے کی اطلاعات موصول ہوئی تھیں جن کو صہیونی فوج نے انتقامی کارروائی کا نشانہ بناکر بغیر کسی جرم کے گولیاں چلاکر شدید زخمی کر دیا تھا۔
اسرائیلی قابض فوج اور فلسطینی باشندوں کے درمیان جھڑپوں کے دوران صہیونی اہلکاروں نے نہتےفلسطینی شہری فواز احمد حمائل پر گولیاں چلائیں جس کے نتیجے میں ایک روز تک ہسپتال میں زیر علاج رہنے کے بعد زخموں کی تاب نہ لاتے ہوئےفواز احمد شہید ہوگئے ،شہید فلسطینی شادی شدہ اور 6 بچوں کے باپ تھے۔