(روزنامہ قدس ۔آن لائن خبر رساں ادارہ) فلسطینی وزارت صحت کی جانب سے تصدیقی رپورٹ جاری کی گئی ہے جس کے مطابق قابض ریاست اسرائیل کے مسلح اہلکاروں نے خاتون صحافی کو اپنےصحافتی فرائض کی ادائیگی کے دوران سر میں گولی مار کر شدید زخمی کردیا جس سے شہادت ہوئی۔
تفصیلات کے مطابق گذشتہ روزالجزیرہ نشریاتی ادارے کی عربی سروس کی سینئر و ممتاز خاتون صحافی شیریں ابو اقلاح کو قابض صہیونی فوج کی جانب سے فائرنگ کر کے شہید کردیا گیا۔
فلسطینی وزارت صحت کی جانب سے تصدیقی رپورٹ جاری کی گئی ہے جس کے مطابق قابض ریاست اسرائیل کے مسلح اہلکاروں نے جنین کے فلسطینی کیمپ میں خاتون رپورٹرکو اپنےصحافتی فرائض کی ادائیگی کے دوران سرمیں گولی مار کر شدید زخمی کر دیا جس کے نتیجے میں شیریں ابو اقلاح کی موت واقع ہوئی۔
اب تک کی معلومات کے مطابق قابض فوج کے خاتون صحافی کے قتل کےاس اقدام کی وجوہات سامنے نہیں آ سکی ہیں تاہم شہید خاتون شیریں ابو اقلاح پر قاتلانہ حملے کے حوالے سے اسرائیل کی جانب سے کسی ردعمل کا اظہار نہیں کیا گیاہے۔