(روزنامہ قدس ۔آن لائن خبر رساں ادارہ) فلسطینی شہری کو گھر میں گھس کر قابض فوج نے تشدد کا نشانہ بنایا اور بغیر کسی جرم کے گرفتار کر کے نامعلوم مقام پر منتقل کر دیا۔
تفصیلا ت کے مطابق گذشتہ روزمقبوضہ فلسطین میں اسرائیلی قابض فوج نے جنین سے تعلق رکھنے والےایک فلسطینی نوجوان یوسف فریحات کے گھر پر پر تشدد چھاپہ مار کر حراست میں لے لیا اور اہل علاقہ کی موجودگی میں املاک کو شدید نقصان پہنچایا۔
قابض فوج کی گرفتاری کی یہ بلاجواز کارروائی اس وقت عمل میں آئی جب نوجوان اپنے خاندان کے ساتھ موجود تھا، صہیونی فوجیوں نے یوسف فریحات کو بہیمانہ تشدد کیا جس کے نتیجے میں گھر میں موجود بچے خوف وہراس کا شکار ہوکر چیخنے اور رونے لگے تاہم قابض اہلکاروں نے اہل خانہ کو بھی تشدد کا نشانہ بنایا اور گھر کی قیمتی اشیاء کی لوٹ مار کی۔