(روزنامہ قدس ۔آن لائن خبر رساں ادارہ) صہیونی فوج اور فلسطینیوں کے درمیان جاری جھڑپ میں ایک مقامی نوجوان قصبے کے داخلی دروازے پر صہیونی فوجیوں کی گولیوں کا نشانہ بناجسےشدید زخمی حالت میں ہسپتال منتقل کردیا گیا ہے۔
ذرائع سے موصولہ اطلاعات کے مطابق گذشتہ روز مقبوضہ مغربی کنارے کے شمالی شہر نابلس میں برقعہ قصبے میں صہیونی فوج کے فلسطینی باشندوں کے پرامن مظاہروں پر حملوں کے خلاف درجنوں نقاب پوش مزاحمت کاروں نے قابض اسرائیلی فوج کونشانہ بناتے ہوئے پتھراؤ کردیا جبکہ ایک فوجی جیپ کو بھی گھریلو ساخت کے پیٹرول بموں کے ذریعے آگ لگا دی۔
صہیونی فوج اور فلسطینیوں کے درمیان جاری جھڑپ میں ایک مقامی نوجوان جس کا نام احمد حکمت سیف بتایا جاتا ہے قصبے کے داخلی دروازے پر صہیونی فوجیوں کی گولیوں کا نشانہ بن کر زخمی ہوگیاجسے قریبی ہسپتال منتقل کر دیا گیا ہےتاہم زخمی فلسطینی کی حالت خطرے میں بتائی جاتی ہے۔