(روزنامہ قدس ۔آن لائن خبر رساں ادارہ) سید حسن نصر اللہ نے مزید کہا کہ یہ حالات ممکن ہے کہ جنگ کی طرف جائیں اور یہ بھی امکان ہے کہ جنگ نہ ہوتاہم لبنان صرف اپنے حقوق چاہتاہےاور یوں ہم مضبوط پوزیشن میں ہو کر اپنا مؤقف پیش کریں گے تاکہ اسرائیل اور امریکا ہمارے سامنے گھٹنے ٹیک دیں۔
مقامی ذرائع ابلا غ کے مطابق لبنانی حزب اللہ کے سربراہ سید حسن نصراللہ نےاپنے جاری بیان میں قابض ریاست اسرائیل کو متنبہ کر تے ہوئے کہاہے کہ اگر لبنان کو اس کا حق نہیں ملتا تو صیہونی دشمن بھی یہاں سے تیل وگیس کے ذخائر سےفائدہ حاصل کر نے کی اجازت نہیں دی جائے گی۔
سید حسن نصراللہ نے اپنے خطاب میں کہا ہے کہ لبنان جنگ نہیں چاہتا لیکن اگر اس کو اس کا حق نہیں ملتا تو متنازعہ سمندری حدود میں صیہونی حکومت کو بھی تیل وگیس کے ذخائر سے تیل و گیس نکالنے نہیں دیا جائے گا۔
انہوں نے مزید کہا کہ یہ حالات ممکن ہے کہ جنگ کی طرف جائیں اور یہ بھی امکان ہے کہ جنگ نہ ہوتاہم لبنان صرف اپنے حقوق چاہتاہےاور یوں ہم مضبوط پوزیشن میں ہو کراپنا مؤقف پیش کریں گے تاکہ اسرائیل اور امریکا ہمارے سامنے گھٹنے ٹیک دیں۔
سید حسن نصراللہ نے کہا کہ آج حزب اللہ اور استقامتی تحریک صرف اسرائیل کے لئے خطرہ نہیں ہے بلکہ علاقے میں امریکا کے سبھی منصوبوں کے لئے خطرہ ہےاور دشمن کواپنی کمزوری کا احساس ہےجبھی وہ جنگ نہیں چاہے گا کیونکہ ممکن ہے کہ پھر یہ جنگ صرف حزب اللہ سے نہیں بلکہ سبھی استقامتی محاذ کے ساتھ شروع ہوجائے اور نتیجے میں اسرائیل کا شیرازہ بکھر جائےگا۔