(روزنامہ قدس ۔آن لائن خبر رساں ادارہ) فلسطینی خاندان کے وکیل نے بتایا کہ گھر کی مسماری کا فیصلہ 2 صہیونی ججوں کے حکم پر جاری کیا گیا ہے اور ایسا کرتے ہوئے انہوں نے شہید ابو شخیدم کے اہل خانہ کی مسماری کے خلاف مطالبے کی درخواست کو یکسر مسترد کر دیا۔
ذرائع کے مطابق مقبوضہ فلسطین میں اسرائیل کی صہیونی عدالت کی جانب سے گذشتہ نومبر کے مہینے میں پرانے بیت المقدس شہر میں صہیونی فوج پر حملہ کرنے والےشہید فلسطینی مزاحمت کار کمانڈر فادی ابو شخیدم جن کی فائرنگ سے 1 صہیونی جہنم واصل اور کئی زخمی ہو گئے تھے اور جوابی فائرنگ میں صہیونی فوج نےانہیں شہید کر دیا تھا کے خاندان کی جانب سے القدس کے شمال مشرق میں واقع شعفاط پناہ گزین کیمپ میں ان کے ذاتی گھر کی مسماری کے فیصلے کے خلاف اپیل کو مسترد کر دیا ہے۔
اس حوالے سے ابو شخیدم خاندان کے وکیل مدحت دیبا نے بتایا کہ گھر کی مسماری کا فیصلہ 2 صہیونی ججوں کے حکم پر جاری کیا گیا ہے اور ایسا کرتے ہوئے انہوں نے شہید ابو شخیدم کے اہل خانہ کی درخواست کو یکسر مسترد کر دیا جس میں مکان گرانے کے حکم کو منسوخ کرنے کا مطالبہ کیا گیا تھا۔