(روزنامہ قدس ۔آن لائن خبر رساں ادارہ) مقبوضہ فلسطین میں فلسطینیوں اور ان کی املاک کے خلاف آباد کاروں کے تشدد میں تیزی سے اضافہ ہوا ہےجس میں ان پر پتھراؤ ، دھمکیاں دینا، کھیتوں کو نذر آتش کرنا، درختوں اور فصلوں کو تباہ کرنا، فصلیں چوری کرناشامل ہے۔
ذرائع کے مطابق گذشتہ روز مقبوضہ مغربی کنارے میں نابلس کے ایک قصبے بورین میں درجنوں نقاب پوش صہیونی آباد کاروں نے زیتون کے درختوں کی حفاظت پر معمور فلسطینی کسانوں پر اس وقت حملہ کر دیا جب وہ اپنے باغ میں زیتون کے درخت لگانے میں مدد کر رہے تھے۔
قابض ریاست کے ان صہیونی دہشت گردوں کایہ گروپ جس کا تعلق گیوٹ رونن نامی صہیونی بستی سے تھا نے فلسطینیوں کی کاروں پر بھی پتھراؤ کیا اور انہیں آگ لگانے کی کوشش کی جبکہ باغ میں کام کرتے درجنوں فلسطینی کسانوں کولاٹھیوں اور پتھروں سے لہو لہان کر دیا، زخمی ہونے والے کسانوں کو فلسطینیوں نے بعد ازاں اپنی مدد آپ کے تحت قریبی ہسپتال منتقل کردیا ہے جہاں انہیں طبی امداد فراہم کی جارہی ہے۔
واضح رہے کہ مقبوضہ فلسطینی علاقوں میں فلسطینیوں اور ان کی املاک کے خلاف آباد کاروں کے تشدد میں تیزی سے اضافہ ہوا ہےجبکہ فلسطینیوں کے ساتھ مار پیٹ، پتھراؤ ، دھمکیاں دینا، کھیتوں کو نذر آتش کرنا، درختوں اور فصلوں کو تباہ کرنا، فصلیں چوری کرنا،اور گھروں اور کاروں کو نقصان پہنچانا بھی شامل ہیں۔