(روزنامہ قدس ۔آن لائن خبر رساں ادارہ) صہیونی آبادکاروں نے فلسطینی شہریوں کو بدترین تشدد کا نشانہ بنایا اور ان کی املاک کو روائیتی توڑ پھوڑ کے ذریعے شدید نقصان پہنچایا۔
ذرائع کے مطابق گذشتہ روز مقبوضہ فلسطین میں صہیونی انتہا پسند آباد کاروں نے نابلس شہر کے جنوب میں واقع گاؤں قریوت میں متعدد فلسطینی شہریوں کو لاٹھیوں سے وحشیانہ تشدد کیا اور املاک کو شدید نقصان پہنچایا۔
مقبوضہ مغربی کنارےکے شمالی علاقوں میں غیر قانونی آبادکاری کی سرگرمیوں پر نظر رکھنے والے فلسطینی انچارج افسرغسان دغلس نے بتایا کہ اسرائیلی قابض افواج کی سرپرستی میں اسرائیلی آباد کاروں کے منظم گروہ نے جنوب مشرق میں فلسطینی مقامی باشندوں پرحملہ کیاجبکہ اسرائیلی قابض فوج نے شہریوں کی مزاحمت کے نتیجے میں آنسو گیس کی شیلنگ کی اور اسٹین گرینیڈ پھینکےجس کے باعث درجنوں فلسطینی شدید زخمی حالت میں ہسپتال لائے گئے۔
فلسطینی عہدیدار نے کہا کہ صہیونی آبادکاروں نے گھروں کی نزدیکی چھتوں اور کھمبوں پر پڑھ کر فلسطینی باشندوں کے اہل خانہ کو نشانہ بنایا جبکہ گھروں کے باہر عرب فلسطین اشتعال انگیز نعرے لکھ دیےجس کے نتیجے میں جھڑپیں شروع ہو گئیں۔