(روزنامہ قدس ۔آن لائن خبر رساں ادارہ) مقبوضہ فلسطین میں آبائی فلسطینی مکینوں کے ساتھ زبردستی غیر قانونی طور پردیگر علاقوں اور ممالک سے لاکر آبادکرائے گئے صہیونی آبادکاروں کی جانب سے فلسطینیوں پر آئے دن حملوں میں انکی جان اور املاک کو نشانہ بنایا جاتا ہے۔
ذرائع کے مطابق مقبوضہ فلسطین کے شمالی شہرنابلس میں برقہ کے مقام پر غیر قانونی صہیونی آباد کاروں کے منظم گروہ نے فلسطینی راہ گیروں پر حملہ کردیا جس کے نتیجے میں کم سے کم 8 فلسطینی شدید زخمی ہو گئے جنہیں اپنی مدد آپ کے تحت قریبی ہسپتالوں میں منتقل کر دیا گیا۔
انسانی حقوق کی تنظیم کے نابلس میں ڈائریکٹراحمد جبریل نے بتایا کہ صہیونی فوج کی سرپرستی میں آبادکاروں نے شہریوں پر حملہ کیا اور بری طرح زخمی کردیا اس کے باوجود ہمیشہ کی طرح قابض فوج نے صہیونی آبادکاروں کی غنڈہ گردی کے خلاف کسی قسم کی قانونی کارروائی سے انکار کردیا۔
مقبوضہ فلسطین میں آبائی فلسطینی باشندوں کے ساتھ زبردستی غیر قانونی طور پردیگر علاقوں اور ممالک سے لاکر آبادکرائے گئے صہیونی آبادکاروں کی جانب سے فلسطینیوں پر آئے دن حملوں میں انکی جان اور املاک کو نشانہ بنایا جاتا ہے اورشہریوں کو تشدد اور لوٹ مار کے ذریعے نقصان پہنچایا جاتا ہے، ان کارروائیوں میں قابض صہیونی فوج آبادکاروں کی مکمل سر پرستی کرتی ہے۔