(روزنامہ قدس ۔آن لائن خبر رساں ادارہ)گذشتہ ایک ہفتے کے دوران قابض صہیونی فوجیوں نے چارفلسطینی باشندوں کو بےرحمی سے شہید کردیا ہے جبکہ درجنوں کو زخمی اور سیکڑوں کو گرفتار کیا جاچکا ہے۔
غیر قانونی قابض صہیونی ریاست کے عبرانی نیوز ویب پورٹل کے مطابق گذشتہ روزایک غیر قانونی صہیونی آباد کار نے جنوبی مقبوضہ مغربی کنارے میں بیت لحم میں تیکوہ نامی غیر قانونی صہیونی بستی کے قریب چار فلسطینی نوجوانوں پر فائرنگ کردی جس کے نتیجےمیں ایک فلسطینی 18 سالہ معتصم محمد عطا اللہ موقع پر شہید ہوگیا جبکہ دیگر تین زخمی ہوگئے۔
صہیونی آبادکار کے حوالےسے نیوز پورٹل نےلکھا ہے کہ چاروں فلسطینیوں پرغیر قانونی صہیونی بستی میں زبرستی گھسنے سے روکنے پر فائرنگ کی، ذرائع کا کہنا ہےکہ فائرنگ کے واقع میں معتصم محمد عطا اللہ موقع پر شہید ہوگیا جبکہ دیگرتین شدید زخمی ہوگئے ہیں، قابض فوج کی جانب سے غیر قانونی بستی میں سرچ آپریشن جاری ہیں۔
فلسطینی وزارت صحت کی جانب سے 18 سالہ معتصم محمد عطا اللہ کی شہادت کی تصدیق کی گئی ہے جو مقبوضہ مغربی کنارے کے شہر بیت لحم کے گاؤں حرملہ کا رہائشی ہے۔ یہ بات قابل ذکر ہے کہ اتوار کی شام کو شہید ہونے والے نوجوان عطااللہ سے قبل بھی مقبوضہ مغربی کنارے کے شہر طولکرم میں اسرائیلی فوج نے ایک اور فلسطینی نوجوان کو گولی مار کر شہید کردیا تھا۔
گذشتہ ایک ہفتے کے دوران قابض صہیونی فوجیوں نے چارفلسطینی باشندوں کو بےرحمی سے شہید کردیا ہے جبکہ درجنوں کو زخمی اور سیکڑوں کو گرفتار کیا جاچکا ہے۔