(روز نامہ قدس ۔آنلائن خبر رساں ادارہ ) محمد الخضری کو گذشتہ سال تین سال تک حراست میں رکھا گیا تھا ان کے بیٹے ہانی الخضری کو بھی گذشتہ روز رہا کردیا گیا۔
غیر ملکی خبر رساں ادارے کی رپورٹ کے مطابق سعودی حکام نے "ستمبر 2019 میں فلسطینی مزاحمتی تنظیم حماس کے سینئر رہنما 83 سالہ محمد الخضری ، ان کے بیٹے ہانی الخضری سمیت دیگر کئی فلسطینی اور اردنی شہریوں کو سعودی عرب کے دارالحکومت ریاض سے حراست میں لیکر جیل میں ڈال دیا تھا۔ ان پر فلسطینی تحریک آزادی میں سرگر رہنے کا الزام عاید کیا گیا تھا۔
ہانی الخضری کے والد اور اسلامی تحریک مزاحمت "حماس” کے رہ نما محمد الخضری کو گذشتہ سال کے آخر میں جیل سے رہا کردیا تھا جبکہ گذشتہ روز سعودی حکام نے ان کے بیٹے ڈاکٹر ہانی الخضری کو بھی تین سال تک قید رکھنے کے بعد رہا کردیا۔