(روزنامہ قدس ۔آن لائن خبر رساں ادارہ) صہیونی حکام کے اس دفاعی اتحاد سے قبل متحدہ عرب امارات نے بھی کچھ اتحادی ممالک کی فوجوں سے ڈرون طیاروں کے خطروں کے مقابلے میں حفاظتی روک تھام کی اپیل کی تھی۔
عالمی ذرائع ابلاغ کی جاری کردہ ایک رپورٹ کے مطابق قابض ریاست اسرائیل اور سعودی عرب میں دفاعی اتحاد کے نام سے اسرائیل کی جانب سے ایک اتحاد تشکیل پاگیا ہے جو خودکش ڈرون طیاروں کے خطروں کا مقابلہ کرے گا۔
رپورٹ کے مطابق کچھ دن قبل ڈرون طیاروں کی شناخت اور ان کو انٹر سپٹ کرنے کے لئے صیہونی حکومت کی توانائی اور طاقت کے استعمال کو بروئے کار لاکر قائم کیے جانے والے اس اتحاد میں اسرائیل کے ساتھ سعودی عرب کے علاوہ متحدہ عرب امارات اور کچھ دیگرعلاقائی ممالک شامل ہیں۔
خیال رہے کہ دو روز قبل ابوظہبی میں ڈرون خطروں کے بارے میں ایک خصوصی کانفرنس کا انعقاد کیا گیا تھا اور متحدہ عرب امارات نے اس کانفرنس میں اتحادی ممالک کی فوجوں سے ڈرون طیاروں کے خطروں کے مقابلے کیلیے حفاظتی امداد کی کوشش کرنے کی اپیل کی تھی۔