(روز نامہ قدس ۔آنلائن خبر رساں ادارہ ) غزہ فلسطینی مملکت کا اٹوٹ انگ ہے، حماس کے بغیر غزہ کے حواے سے کوئی بھی فیصلہ ناقابل قبول ہے۔
فلسطین پر قابض غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کےسینیر رہ نما اسامہ حمدان نے گذشتہ روز لبنان کے شہر بیروت میں پریس کانفرنس سے خطاب کرتےہوئے چند روز قبل اسرائیلی ڈرون حملے میں شہید ہونےوالے حماس کے سیاسی شعبے کے نائب سربراہ صالح العاروری کے حوالے سے کہا ہے کہ ان کی جماعت نے صالح العاروری کے قتل کا بدلہ لینے کا عہد کیا ہے۔
انھوں نے کہا کہ غزہ فلسطینی مملکت کا اٹوٹ انگ ہے، حماس کے بغیر غزہ کے حواے سے کوئی بھی فیصلہ ناقابل قبول ہے، فلسطینی قوم آج بھی وہیں ہے اور کل بھی وہیں رہے گی ، صیہونی ریاست فلسطینیوں پر وحشیانہ بمباری کے باوجود ہمارے حوصلوں کو توڑنے میں مکمل طورپرناکام ہے ۔
اسامہ حمدان نے غزہ پر تین ماہ سے جاری وحشیانہ بمباری جس میں اب تک 8000 سے زائد بچوں اور 7000 سے زائد خواتین سمیت 29,722 سے زائد فلسطینیوں کی شہادت کا زکر کرتے ہوئے کہا کہ "غزہ کی 20 لاکھ سے زائد آبادی اپنے گھروں سے بے گھر ہو چکے ہیں”غزہ کی 70 فی صد املاک اور مکانات کو تباہ کرکے صیہونی ریاست نے غزہ کی آبادی کو زبردستی وہاں سے نکال باہر کرنے پرمجبور کیا جا رہا ہے تاہم ہمارے حوصلے اب بھی ناقابل تسخیر
ہیں۔