(روزنامہ قدس ۔آن لائن خبر رساں ادارہ) نیتن یاہو نے موجودہ اسرائیلی حکومت کے وزیر اعظم اور دیگر عہدیداران کو ایران کے جوہری معاہدے میں امریکی پالیسی کے خلاف مثبت پیش رفت نہ کر نےکا الزام عائدکیا اور کہا کہ اس نئی حکومت میں کمزوری کے سوا کچھ نہیں ہے۔
مقامی ذرائع کے مطابق صہیونی ریاست اسرائیل کی لیکوڈ پارٹی کے رہنما اور سابق صہیونی وزیر اعظم بنیامن نیتن یاہو نےموجودہ وزیر اعظم نفتالی بینیٹ کی حکومت کو ایرانی جوہری پروگرام کے حوالے سے امریکی پالیسی کے خلاف مناسب طریقہ کار اختیار نہ کرنے پر شدید تنقیدکی ہے اور کہا ہے کہ اس نئی حکومت میں کمزوری کے سوا کچھ نہیں ہے۔
نیتن یاہو نے پارٹی کے بلاک کی میٹنگ کے آغاز میں صہیونی وزیر دفاع بینی گینٹز اوروزیر خارجہ یائر لیپد کو بھی ایران کے ایٹمی ہتھیاروں کے معاہدے میں امریکی پالیسی کے خلا ف مثبت انداز میں پیش رفت نہ کر نے کی جانب اشارہ کر تے ہوئے کہا کہ یہ حکمران امریکا کا مقابلہ کرنے کے لیے تیار نہیں ہیں اور ان کی وجہ سے اسرائیل کا امریکی انتظامیہ کے سامنے سر جھکا ہے۔