(روزنامہ قدس ۔آن لائن خبر رساں ادارہ) ریاض الاشقرنے بتایا کہ قابض اسرائیلی فوج گرفتاری مہمات کے دوران نہ صرف بڑی عمر کے افراد کونشانہ بنارہی ہے بلکہ بچوں اور خواتین کوبھی نشانہ بنایا جارہا ہے۔
فلسطینی اسیران اسٹڈی سینٹر کےمطابق اسرائیلی قابض فوج کے چھاپے مقبوضہ علاقوں میں جاری ہیں اور روزانہ کی بنیاد پر بے گناہ فلسطینیوں کو حراست میں لے کر نامعلوم مقامات پر منتقل کیا جارہا ہے جبکہ گذشتہ روز بھی شام کے وقت مقبوضہ مغربی کنارے کے علاقے بیت اللحم اور نابلس سے بغیر کسی جر م کے دو فلسطینیوں سولہ سالہ خلیل کفاح ثوابتہ اور بائیس سالہ یزان عبدالکریم دراغمہ کو حراست میں لے لیا۔
فلسطینی اسیران اسٹڈی سینٹر کے ترجمان ریاض الاشقرنے بتایا کہ قابض اسرائیلی فوج گرفتاری مہمات کے دوران نہ صرف بڑی عمرکے افراد کونشانہ بنارہی ہے بلکہ بچوں اور خواتین کوبھی نشانہ بنایا جارہا ہے۔
رپورٹ میں بتایا ہے کہ صرف ایک ماہ کے دوران صہیونی ریاستی دہشت گردی کے نتیجے میں مقبوضہ بیت المقدس سے80 سے زائد شہریوں کو گرفتار کیا گیا جبکہ دیگر علاقوں جن میں الخلیل، رام اللہ، جنین، بیت لحم، نابلس سمیت قلقیلیہ سےکم سے کم دو درجن کے قریب افراد گرفتار کیےگئےہیں۔