(روز نامہ قدس ۔آنلائن خبر رساں ادارہ ) غاصب صیہونی فوج نے رام اللہ کے پناہ گزین کیمپ پر دھاوا بولا اور فلسطینیوں پر بلا امتیاز فائرنگ کی جس کے نیتجےمیں 16 سالہ بچہ شہید جبکہ متعدد زخمی ہوگئے۔
فلسطینی ذرائع کےمطابق گذشتہ روز غیر قانونی صیہونی ریاست اسرائیل کی نام نہاد فوج نے مقبوضہ بیت المقدس کے شہر رام اللہ میں قائم الامعری پناہ گزین کیمپ پر دھاوا بولا اور فائرنگ کی جس کےنتیجےمیں فلسطینی بچہ مصطفی ابو شلباک شہید ہوگیا ، عینی شاہدین کا کہنا ہے کہ غاصب فورسز نے پناہ گزین کیمپ میں داخل ہوتے ہی بلا امتیاز فائرنگ کی اور شہریوں کو حراست میں لینا شروع کردیا اس دوران انھوں نے 55 سے زائد فلسطینیوں کو گرفتار کیا
واضح رہے سات اکتوبر کے بعد سے اسرائیلی فوج اور یہودی آباد کاروں کی طرف سے کیے گئے پر تشدد حملوں میں 400 فلسطینی شہید کیے جا چکے ہیں۔ عینی شاہدین نے بتایا کہ اسرائیلی فوج نے مغربی کنارے میں واقع طولکرم کی ایک سڑک کو بھی اکھاڑ دیا۔