(روز نامہ قدس ۔آنلائن خبر رساں ادارہ ) علاقے میں گذشتہ 24 گھنٹوں کے دوران فلسطینی نوجوانوں اور غاصب صیہونی افواج کے درمیان پرتشدد جھڑپوں کا سلسلہ جاری ہے ، صیہونی افواج فلسطینیوں کو گھروں سے نکال کر گرفتار کرنے کا سلسلہ جاری رکھے ہوئے ہے۔
فلسطینی ذرائع سے حاصل معلومات کے مطابق غیر قانونی صیہونی ریاست کی نام نہاد فوج نے آج منگل کی صبح قلقیلیہ شہر کے مشرق میں واقع شہر عزون کے مغرب میں الفجاہ قصبے پر دھاوا بولا،فلسطینیوں کے گھروں تلاشی کے نام پر روایتی لوٹ مار کرتےہوئے مکینوں کو تشدد کا نشانہ بنایا اس دوران غاصب فورسز نے ایک گھر کو گھیرے میں لیتے ہوئے شدید فائرنگ کی اور اس پر دستی بموں کا استعمال کیا گیا جس میں چار فلسطینی نوجوان 18 سالہ ولید اسماعیل ولید رضوان ، 22 سالہ ایاد احمد مصطفیٰ شوبیتا ، 26 سالہ محمد عبدالفتاح عثمان رضوان اور 21 سالہ قصے جمال سلیم صلاح شہید ہوگئے جبکہ علاقے میں اسرائیلی فوئرنگ، شیلنگ سے متعدد زخمی ہوئے اور درجنوں کو غاصب فورسز نے حراست میں لیکر نامعلوم مقامات پر منتقل کردیا ۔اسرائیلی فوج نے اعلان کیا کی اس کارروائی کےد وران ایک صیہونی فوجی زخمی ہوا ۔
واضح رہے کہ گذشتہ 24 گھنٹوں کے دوران فلسطینی مزاحمت کاروں اور غاصب صیہونی افواج کے درمیان مقبوضہ مغربی کنارے کے مختلف علاقوں جن میں رام اللہ، جلزون کیمپ ، طولکرم ، جنین ، نابلس سمیت دیگر علاوں میں پرتشددجھڑپوں کا سلسلہ جاری ہے جس میں ذرائع کا دعویٰ ہے کہ اسرائیلی فوجیوں خو جانی نقصان کا سامنا کرنا پڑا ہے۔