(روزنامہ قدس ۔آن لائن خبر رساں ادارہ) قابض فوج کے مسلح اہلکاروں نے چادر اور چاردیواری کا پاس نہ کر تے ہوئے خواتین کو بھی تشدد کا نشانہ بنایا اوران کی املاک کو تباہ کیا۔
تفصیالت کے مطابق گذشتہ شب مقبوضہ مغربی کنارے میں متعدد علاقوں میں قابض صہیونی فورسز نے بغیر کسی جواز کےچھاپہ مار مہم کا آغاز کر تے ہوئے شہریوں کے گھروں میں داخل ہو کر انہیں وحشیانہ تشدد کا نشانہ بنایااور حسب روایت املاک کی توڑ پھوڑ کی۔
صہیونی فوج نے اس پر تشدد کارروائی کے نتیجے میں بچوں سمیت کم سے کم40 کے قریب فلسطینیوں کو حراست میں لے کرنامعلوم مقامات پر منتقل کر دیا ہے۔
اب تک کی موصول ہونے والی اطلاعات کے مطابق رام اللہ، جنین، سلفیت اور دیگر علاقوں سے قابض فوج کے مسلح اہلکاروں نے چادر اور چار دیواری کا پاس نہ کر تے ہوئے خواتین کو بھی تشدد کا نشانہ بنایا اوران کی املاک کو تباہ کیا۔
واضح رہے کہ مقبوضہ فلسطین میں گذشتہ کئی ماہ سے صہیونی فورسز کے اہلکار مغربی کنارے کے فلسطینی رہائشی علاقوں میں داخل ہو کر بڑے پیمانے پر تشدد چھاپہ مارمہم کے ذریعے شہریوں کو بلا جواز مارتے پیٹتے اور انہیں تفتیش کے بہانے صہیونی زندانوں میں ڈال کر مہینوں تشدد کانشانہ بناتے ہیں۔