(روز نامہ قدس ۔آنلائن خبر رساں ادارہ ) ذرائع کا کہنا ہے کہ اشتعال انگیز فلیگ مار چ کے راستے کو دانستہ طور پر مسلمانوں کے محلوں سے گزارا جارہا ہے جو مقبوضہ بیت المقدس کے پرانے شہر سے ہوتا ہوا دیوار البراق تک جائے گا۔
فلسطینی ذرائع ابلاغ کے مطابق غیر قانونی صیہونی ریاست اسرائیل کے ہزاروں صیہونی آبادکار اشتعال انگیز "فلیگ مارچ” کے لئے بیت المقدس کے باب دمشق پر جمع ہوگئے ہیں ۔
ذرائع نے بتایا ہے کہ شرپسند صیہونی آبادکاروں میں اسرائیل کے وزیر برائے ٹرانسپورٹ بھی شامل ہیں جو اشتعال انگیز مارچ کو لیڈ کررہے ہیں ، شرپسندوں کے فلیگ مارچ کی سیکیورٹی کے لئے ساڑھے تین ہزار سے زائد صیہونی پولیس اہلکاروں کو مارچ کے راستے میں مختلف مقامات پر تعینات کیا گیا ہے۔ شرپسندوں کے فلیگ مارچ کے دوران فلسطینیوں نے اشتعال انگیز مارچ کو مسترد کرتے ہوئے فلسطینی پرچم لہرائے ۔