(روز نامہ قدس ۔آنلائن خبر رساں ادارہ ) بلنکن کی بات شروع ہوتے ہی مظاہرین نے غزہ پر حملوں کے خلاف نعرے لگائے،کئی مظاہرین نے فلسطینیوں کے خون کی علامت کے طور پر ہاتھوں پر سُرخ رنگ بھی لگا رکھا تھا۔
غیر ملکی خبر رساں ادارے کی رپورٹ کے مطابق گذشتہ روز امریکی وزیر خارجہ اینٹونی بلنکن کے سینیٹ کمیٹی کے روبرو بیان کے دوران وہاں موجود لوگوں نے کھڑے ہوکر غزہ میں غیر قانونی صیہونی ریاست اسرائیل کی وحشیانہ بمباری پر امریکہ کہ جانب سے حمایت کے خلاف بھرپور احتجاج کیا اور غزہ میں فوری جنگ بندی کا مطالبہ کیا۔
انٹونیو بلنکن کی بات شروع ہوتے ہی مظاہرین نے غزہ پر حملوں کے خلاف نعرے لگائے،کئی مظاہرین نے فلسطینیوں کے خون کی علامت کے طور پر ہاتھوں پر سُرخ رنگ بھی لگا رکھا تھا۔ نعروں کی وجہ سے سینیٹ کمیٹی کی کارروائی کئی مرتبہ روکنا پڑی۔
وزیر خارجہ بلنکن اور وزیر دفاع لائیڈ آسٹن نے سینیٹ میں 106 ارب ڈالر کی نیشنل سکیورٹی فنڈنگ کی درخواست کا دفاع کیا۔ وائٹ ہاؤس نے اس فنڈنگ میں سے 14.3 ارب ڈالر اسرائیل کے لیے مانگے ہیں۔ سینیٹ کی عمارت سےمظاہرہ کرنے والے افراد کو گرفتار بھی کیا گیا۔
واضح ر رہے کہ غزہ میں اسرائیلی جارحیت کا سلسلہ 25 ویں دن بھی جاری ہے اور فضائی بمباری کے ساتھ ساتھ زمینی حملے بھی تیز کر دیے گئے ہیں۔ 7 اکتوبر سے جاری اسرائیلی جارحیت کے نتیجے میں اب تک 8525 فلسطینی شہید ہو چکے ہیں۔