(روز نامہ قدس ۔آنلائن خبر رساں ادارہ ) غزہ سے متصل صہیونی ریاست کے شہر عسقلان اور سدیروت آبادکار چار روز سے خندقوں اور شیلٹر سے باہر نکلنے کو تیار نہیں ، سدیروت کے میئر نے آبادکاروں سےمعافی مانگ لی۔
غیر قانونی صہیونی ریاست اسرائیل کے میڈیا ذرائع نے انکشاف کیا ہے کہ غزہ کے مزاحمت کاروں کی جانب سے داغے جانے والے راکٹوں نےیروشلم سمیت اسرائیل کے کئی علاقوں تک رسائی حاصل کرلی ہے متعدد را کٹ یروشلم کی صہیونی بستی گوش عتصیون میں گرے۔
دوسری طرف غزہ سے متصل صہیونی شہر عسقلان اور سدیروت میں راکٹ حملوں کے بعد گاڑیوں اور دکانوں میں آگ لگ گئی۔ عبرانی میڈیا نے کہا ہے وارننگ سائرن غزہ کی پٹی کے جنوب میں نیر اوز اور عین ہشلوشہ ، بیت لحم کے قریب بیطار الیت اور گوش عتصیون بلاک کی بستی میں اور مقبوضہ القدس کے مغرب میں پہاڑوں میں بجے۔
اسرائیلی حکام نے گوس عتصیون بستیوں میں سے راکٹ گرنے کا اعتراف کیاہے ۔
مزاحمت کاروں کے راکٹ حملوں کے باعث صہیونی آبادکار چار روز سے خندقوں اور شیلٹر سے باہر نکلنے کو تیار نہیں جبکہ دوسری جانب سدیروت کے میئر نے عوام سے معافی بھی مانگی ہے۔