(روز نامہ قدس ۔آنلائن خبر رساں ادارہ ) صہیونی دشمن کی دھمکیاں ہمارے عوام اور مزاحمتی قیادت کو خوف زدہ کرنے کی مذموم کوشش ہے جس کو ہم سنجیدگی سے نہیں لے تے۔
فلسطین پر قابض غیر قانونی صہیونی ریاست اسرائیل کے مظالم کے خلاف برسرپیکار مزاحمتی تحریک فلسطین پاپولر فرنٹ فارلبریشن کی جانب سے جاری کردہ بیان میں صہیونی دشمن کو متنبہ کیا گیا ہے کہ قابض ریاست کی طرف سے فلسطینی مزاحمتی قیادت کو نقصان پہنچایا گیا تو اس کی تمام تر ذمہ داری صہیونی ریاست اسرائیل پر عائد ہوگی۔
عوامی محاذ کی جانب سے جاری ایک بیان میں خبردار کیا گیا ہے کہ قابض دشمن کی طرف سے فلسطینی مزاحمتی قیادت کو دھمکیاں دی جا رہی ہیں۔ اسرائیلی دشمن کی طرف سے فلسطینی مزاحمتی قیادت کو گزند پہنچانے کی تمام ذمہ داری دشمن پر عاید ہوگی۔
مزاحمتی رہنماؤں اور علامتوں کو نشانہ بنانے کی دھمکیاں دشمن کی جارحانہ دہشت گردانہ نوعیت کی وجہ سے اس کے اندرونی بحران اور اس کے بڑھتے ہوئے وجودی اضطراب سے نکلنے کی کھلی اور مستقل کوشش ہے۔
عوامی محاذ کی طرف سے نے اس بات کی تصدیق کی کہ یہ دھمکیاں صرف ہمارے عوام اور مزاحمتی قیادت کو خوف زدہ کرنے کی مذموم کوشش ہے مگر دشمن کی اس طرح کی کوئی کوشش کامیاب نہیں ہوگی۔