(روز نامہ قدس ۔آنلائن خبر رساں ادارہ ) صہیونی سیکیورٹی فورسز کی سردھڑ کی بازی لگانے کے باوجود فلسطینی مزاحمت کاروں کو روکنے میں غیر قانونی ریاست مکمل طورپر ناکام ہوچکی ہے۔
غیر قانونی صہیونی ریاست اسرائیل کے ذرائع ابلاغ کی رپورٹ کے مطابق اسرائیلی سیکیورٹی فورسز اپنے تمام تر وسائل کو بروئے کار لانے کے باوجود مقبوضہ فلسطین میں مزاحمت کاروں کے حملوں کو روکنے میں مکمل طورپر ناکام نظر آرہی ہے۔
گذشتہ ایک ہفتے کے دوران مزاحمت کاروں نے مقبوضہ مغربی کنارے اور مقبوضہ بیت المقدس میں اسرائیلی سیکیورٹی فورسز پر کم سے کم 250 کارروائیاں کی ہیں جس میں چار صہیونی فوجی زخمی ہوئے، جبکہ غاصب فوج کی جانب سے فلسطینیوں کے خلاف دہشتگردانہ اقدامات میں سات فلسطینیوں نے جام شہات نوش کیا۔
مغربی کنارے اور بیت المقدس میںفائرنگ کے 32 واقعات ، تیزدھار آلے اور تیز رفتار گاڑی سے حملے کے علاوہ ایک فوجی تنصیب کو نذر آتش کرنے اور 23 مقامات پر غیر قانونی صہیونی آباد کاروں کےخلاف تصادم کا مشاہدہ کیا گیا۔
ایک ہفتے کے دوران فلسطینیوں کی طرف سےصہیونی آباد کاروں اور غاصب سیکیورٹی فورسز پر سنگ باری کی 70 کارروائیاں کی گئیں، 5 مولوٹوف کاک ٹیلز، ایک جاسوس طیارے کو مار گرانے کے علاوہ 3 دھماکہ خیز آلات کو دھماکے سے اڑا دیا اور 13 مظاہرے ریکارڈ کیے گئے۔
ایک ہفتے کے دوران مغربی کنارے میں 88 مقامات پر تصادم ہوا جب کہ فلسطینیوں نے 4 اسرائیلی گاڑیاں اور فوجی ساز و سامان کو تباہ کیا۔