فلسطینی مزاحمت کاروں کا حملہ، دو صیہونی آبادکار ہلاک

(روز نامہ قدس ۔آنلائن خبر رساں ادارہ ) ہلاک ہونے والے دونوں صیہونی آبادکار 60 سالہ باپ جبکہ 29  سالہ بیٹا ہےجنہیں فائرنگ کرکے ہلاک کیا گیا۔

غیر قانونی صیہونی ریاست اسرائیل کے فوجی ریڈیو سے نشر ہونے والی اطلاعات کے مطابق گذشتہ روز مقبوضہ مغربی کنارے  کے قصبے حوارہ میں  ایک کار واش کے پاس  فلسطینی مزاحمت کاروں نے حملہ کیا جس میں دو غیر قانونی صیہونی آبادکار ہلاک ہوگئے۔

غاصب فوج کی جانب سے جاری بیان میں اعتراف کیا گیا ہے کہ حملہ آوروں کی شناخت نہیں کی جاسکی ہے تاہم ان کی تلاش کےلئے علاقے میں چھاپہ مار  کارروائیاں جاری ہیں۔، حملے کے بعد آس پاس کے علاقوں میں داخلی اور خارجی راستوں کو مکمل طورپر بند کردیا گیا ہے ۔

واضح رہے کہ اس قبل اسی گاؤں میں صیہونی آبادکاروں پر مہلک حملے کیے گئے تھے اور یہودی آبادکاروں نے  اسرائیلی سیکیورٹی فورسز کے حفاظتی حصار میں رہتے ہوئے اس گاؤں سمیت دیگرمقامات پر انتقامی کارروائیاں  کرتے ہوئے فلسطینیوں کی املاک اور گھروں کو بے تحاشہ نقصان پہنچایا ، ان جھڑپوں کے دوران کم سے کم 6 فلسطینی شہید ہوئے جبکہ متعدد زخمی اور درجنوں کو گرفتار کیا گیا تھا۔