(روز نامہ قدس ۔آنلائن خبر رساں ادارہ ) سوشل میڈیا پر وائرل ویڈیوز میں باآسانی سنا جارہا ہے کہ ایک صیہونی آبادکار لڑکی کے سر میں گولی مارنے کا کہہ رہاہے۔
دو روز قبل مقبوضہ مغربی کنارے کے شہر نابلس کے جنوب میں واقع قصبے حووارہ سے تعلق رکھنے والی 15 سالہ فلسطینی لڑکی سارہ عزیز کی ایک ویڈیو وائرل ہوئی جس میں دیکھا جاسکتا ہے ہے جدید ہتھیاروں سے لیس غیر قانونی صیہونی ریاست اسرائیل کی نام نہاد سیکیورٹی فورسز کے اہلکاروں نے ایک لڑکی کو زمین پر گرایا ہوا ہے ، زمین پر گرانے سے پہلے غاصب فوجیوں نے لڑکی پر بدترین تشدد کیا اس کو بندوق کے بٹوں سے زخمی کیا۔
ویڈیو کے حوالے سے صیہونی فورسز نے الزام لگایا ہے کہ لڑکی نے اسرائیلی فوجیوں پر تیز دھار آلے سے حملہ کرنے کی کوشش کی تھی جس کو ناکام بنایاگیا۔ تاہم ویڈیو میں دیکھا جاسکتا ہے کہ لڑکی کے پاس کوئی ہتھیارنہیں تھا ۔
واقعے کی ویڈیو فوٹیج میں سنا جاسکتا ہے کہ ایک غیر قانونی صیہونی آباد کار بھی موقع پر موجود ہے جو فوجیوں سے مسلسل کہہ رہا ہے "اس لڑکی کے سر میں گولی مارو،”