فلسطینیوں کی نسل کشی: برازیل نے صیہونی ریاست سے سفارتی تعلقات منقطع کردیئے

(روز نامہ قدس ۔آنلائن خبر رساں ادارہ ) دو روز قبل برازیل کے صدر نے غزہ میں اسرائیلی فوجی کارروائیوں کی شدید مذمت کرتے ہوئے اس کو فلسطینیوں کی "نسل کشی” قرار یا تھا۔

فلسطینیوں کی نسل کشی اور غزہ میں منظم جنگی جرائم پر بہ طور احتجاج برازیل نے اسرائیل سے ہرقسم کے سفارتی تعلقات منقطع کر تے ہوئے اپنا سفیر تل ابیب سے واپس بلا لیا ۔

یہ پیش رفت برازیل کے صدر لولا ڈا سلوا کے بیان کے بعد سامنے آئی ہےجس میں انہوں نے اتوار کو غزہ میں اسرائیلی فوجی کارروائیوں کی شدید مذمت کرتے ہوئے اسرائیلی کارروائیوں کو غزہ کی پٹی میں "نسل کشی” قرار یا تھا۔ انہوں نے کہا تھا کہ اسرائیل غزہ میں قتل عام نہیں بلکہ حقیقی معنوں میں فلسطینیوں کی منظم نسل کشی کررہا ہے۔ اس تناظر میں عبرانی چینل 13 نے کہا کہ "برازیل نے (غزہ پر جنگ) کے خلاف احتجاج کرتے ہوئے (اسرائیلی) سفیر کوکل پیر کو ملک بدر کر دیا اور (اسرائیل سے) اپنے سفیر کو واپس بلا لیا۔

 اتوار کو برازیل کے صدر لولا دا سلوا نے اسرائیلی قابض ریاست پر غزہ کی پٹی میں "نسل کشی” کرنے کا الزام لگایا، اور اس کا موازنہ دوسری جنگ عظیم کے دوران ہونے والے "ہولوکاسٹ” سے کیا تھا۔