(روزنامہ قدس ۔آن لائن خبر رساں ادارہ) عالمی یوم القدس فلسطینیوں سے یکجہتی کے اظہار کیلیے جمعتہ الوداع کو تمام دنیا میں منایا جاتا ہے اور اس دن مظاہروں میں آزادی کے حقوق کی جنگ لڑنے والے فلسطینی جو آج بھی اپنے حق کے لئے کھڑے ہوئے ہیں ان کیلیے آواز اٹھائی جاتی ہے۔
تفصیلات کے مطابق 27رمضان المبارک کودنیا بھرکی طرح پورے پاکستان میں مظلوم فلسطینیوں سے اظہار یکجہتی کیلئے عالمی یوم القدس منایا جارہاہے اور مظاہرے اور ریلیوں کا اہتمام کیا گیا ہے۔
اس موقع پرحکومت پاکستان سے خاص مطالبہ کیا گیا ہے کہ وہ امام خمینی جنہوں نے پہلی مرتبہ عالمی سطح پر یوم القدس کی ریلیوں کی حمایت کرتے ہوئےعالمی یوم القدس کی بنیاد ڈالی تھی ان کی آواز پر لبیک کہتے ہوئے 27 رمضان المبارک جمعتہ الوداع کو سرکاری سطح پر یوم القدس کا اعلان کرے۔
یوم القدس کی ریلیوں اور جلوسوں کے انتظامات سنبھالنے والے منتظمین کی جانب سے حکومت سے مطالبہ کیا گیا ہے کہ پاکستان میں دہشت گردی کے خطرات کے باعث کسی ناخوش گوار واقعے سے بچنے کیلیے یوم القدس کی ریلیوں کو فول پروف سیکورٹی فراہم کرنا ریاست کی ذمہ داری ہےجسے پورا کر کے موجودہ خطرات کے پیش نظر حکومتی انتظامیہ یوم القدس کی ریلی کے روٹ پر سیکورٹی سمیت دیگر اقدامات کرے۔
عالمی یوم القدس فلسطینیوں سے یکجہتی کے اظہارکیلیے جمعتہ الوداع کو تمام دنیا میں منایا جاتا ہے اور اس دن مظاہروں میں آزادی کے حقوق کی جنگ لڑنے والے فلسطینی جو آج بھی اپنے حق کے لئے کھڑے ہوئے ہیں ان کیلیے آواز اٹھائی جاتی ہے۔