(روزنامہ قدس ۔آن لائن خبر رساں ادارہ) او آئی سی نےصہیونی فورسز کی جانب سے فلسطینیوں پر تشدد کی پُرزور مذمت کر تے ہوئے کہا کہ مسجد اقصیٰ میں نمازیوں پر اسرائیلی جارحیت حالات میں مزید ابتری کا باعث ہے اوریہ مقدس مہینے کی بے حرمتی ہے۔
عالمی نشریاتی ادارے کے مطابق اسلامی تعاون تنظیم (او آئی سی) نے ایک بار پھر قابض صہیونی حکمرانوں کو خبر دار کر تے ہوئے کہا کہ قابض ریاست ماہ رمضان میں فلسطینی روضے داروں پر مظالم کے نتیجے میں کشیدگی کو ہوا دے رہے ہیں۔
او آئی سی کی جانب سے صہیونی فورسز کی فلسطینیوں پر تشدد کی پُرزور مذمت کی گئی کہا گیاکہ مسجد اقصیٰ میں نمازیوں پر اسرائیلی جارحیت حالات میں ابتری پیدا کررہی ہے اوریہ مقدس مہینے کی بے حرمتی ہے، اسرائیل کو فلسطینیوں پر ظلم و ستم اور مقدس مقامات کی بے حرمتی کو فوری روکناہو گا، او آئی سی نے مزید کہا کہ اسرائیل کو عالمی معاہدوں کی پاسداری کرنا ہوگی۔
خیال رہے کہ صہیونی ریاست اسرائیل میں نہتے فلسطینیوں کے خلاف ریاستی دہشت گردی کی کارروائیاں ماہِ مقدس رمضان المبارک میں بھی جاری ہیں اور پہلے روزے کو ہی قابض فوج نے فائرنگ کرکے تین بے گناہ فلسیطنی نوجوانوں کو شہید کر دیاتھا جبکہ مسجد اقصیٰ میںعبادت گزار فلسطینیوں کو روضے کی حالت میں تشدد کا نشانہ بنایا جارہا ہے۔