(روز نامہ قدس ۔آنلائن خبر رساں ادارہ ) صیہونی فوج نے ہیوی مشینریز کی مدد سے فلسطینیوں کے گھروں کو مسمارکرنا شروع کیا جس کے باعث پرتشدد جھڑپیں شروں ہوئیں جس میں فلسطینیوں کی شہادت ہوئی۔
عرب ورلڈ نیوز ایجنسی میں عینی شاہدین کے بیان کے مطابق مقبوضہ مغربی کنارے کے الفارعہ کیمپ اور طوباس شہر میں غیر قانونی صیہونی فوج نے ہیوی مشینریز کی مدد سے بلڈوزنگ آپریشن شروع کیا اور فلسطینیوں کے گھروں میں تلاشی کے نام پر لوٹ مار شروع کی جس کے باعث فلسطینی نوجوانوں نے جوابی کارروائی کرتے ہوئے غاصب فوج پر پتھراو کیا ۔
اسرائیلی فوج نے احتجاج کرنے والوں پر فائرنگ کی جس کے نتیجے میں الفارعہ کیمپ سے تعلق رکھنے والے اسامہ جبر الزلط، محمد سمیح بیادسہ اور ایک شخص شہید اور تین دیگر زخمی ہوئے۔ شہید ہونے والے ایک شخص کے حوالے سے ذرائع کا کہنا ہے کہ وہ اسلامی جہاد تحریک سے وابستہ "طوباس بریگیڈ” کا کمانڈر تھا۔