(روز نامہ قدس ۔آنلائن خبر رساں ادارہ ) 7 اکتوبر سے اب تک صیہونی افواج اور غیر قانونی صیہونی آبادکاروں کی دہشتگردی میں خواتین اور بچوں سمیت کم از کم 530 فلسطینی شہید اورسیکڑوں زخمی کردیئے ہیں ۔
غیر ملکی خبر رساں ادرے کی رپورٹ کےمطابق گزشتہ روز غیر قانونی صیہونی ریاست اسرائیل کی نام نہاد فوج نے مقبوضہ مغربی کنارے کے شہر جنین میں ایک کارروائی کر کے تین فلسطینیوں کوشہید اور دیگر 13 کو زخمی کردیا ہے، صیہونی افواج نے اس حوالے سے طور پر کوئی تبصرہ نہیں کیا ہے۔
دوسری جانب فلسطینی مزاحمتی گروپ اسلامی جہاد کے عسکری ونگ القدس بریگیڈ نے اپنے جاری کردہ بیان میں کہا ہے اس کے جنگجووں نے جنین کے پناہ گزین کیمپ کے نزدیک اسرائیلی فوج کے ساتھ مقابلہ کیا ہے جس میں صیہونی فوج کو بھی نقصان اٹھانا پڑا تاہم اسرائیلی فوج کی جانب سے اس کی کوئی تصدیق یا ترید نہیں کی گئی۔
اسرائیلی فوج نے مقبوضہ مغربی کنارے کے شہر جنین پر 1967 سے غیر قانونی قبضہ کررکھا ہے یہ شہر طویل عرصے سے فلسطینی مزاحمتی گروپوں کا مضبوط مرکز مانا جاتا ہےجس کے باعث صیہونی افواج جنین شہر اور ملحقہ علاقوں میں دہشتگردانہ کارروائیاں کرتی رہتی ہے۔
حالیہ ایک سال سے اس مقبوضہ علاقے میں اسرائیلی فوج کی کارروائیوں میں اضافہ ہوا ہے۔خاص طور پر 7 اکتوبر سے جب سے صیہونی فوج نے غزہ پر وحشیانہ بمباری کا سلسلہ شروع کیا ہے اب تک صیہونی سیکیورٹی فورسز اور غیر قانونی آباد کاروں نے اس علاقے میں خواتین اور بچوں سمیت کم از کم 530 فلسطینیوں کو شہید اور سیکڑوں کو زخمی کردیا ہے۔
اسرائیلی سرکاری اعداد و شمار کے اے ایف پی کے اعداد و شمار کے مطابق، اسی عرصے کے دوران مغربی کنارے میں فلسطینیوں کے حملوں میں کم از کم 14 اسرائیلی ہلاک ہو چکے ہیں۔