(روز نامہ قدس ۔آنلائن خبر رساں ادارہ) غیر قانونی صیہونی ریاست اسرائیل کی نام نہاد فوج کے ترجمان ڈینئل ہگارنی نے سماجی رابطوں کی ویب سائٹ پر اپنے بیان میں شمالی لبنان کےمحاذ پر حزب اللہ کے مجاہدین کے ہاتھوں مزید چار فوجیوں کی ہلاکت کا اعتراف کرتے ہوئے کہا ہے کہ گذشتہ روز ہونے والی لڑائیوں کے دوران بٹالین 8207 کے میجر کے عہدے کا ایک افسر گیلاد المالحہ سمیت 3 سپاہی، امیت ہیوت، ملاچی یہودا ہراری اور الیاف ابیتبول مارے گئے جبکہ 5 دیگر انہی لڑائیوں میں شدید زخمی ہوئے۔
اسرائیلی فوجی ریڈیو کے مطابق 7 اکتوبر 2023 سے اب تک غزہ اور لبنان کے محاذ پر ہلاک ہونے والے فوجیوں کی تعداد 765 ہو گئی۔ واضح رہے کہ مزاحمت کاروں کے ہاتھوں اسرائیلی فوج کو ہونے والے نقصان کی تفصیلات کی تشہیر پر سخت سننسر شپ فانذ ہے جس کے باعث صیہونی ریاست کو ہونے والے نقصان کی درست تفصیلات منظر عام پر نہیں آتی ہیں تاہم آزاد ذرائع کا دعویٰ ہے کہ اسرائیلی فوج کی صفوں میں ہونے والےنقصان اس سےکہیں زیادہ ہے جس کا اعلان کیا جاتا ہے ، صیہونی ریاست جان بوجھ کر اپنے نقصانات کے بارے میں مبہم پالیسی پر عمل پیرا ہے۔