(روز نامہ قدس ۔آنلائن خبر رساں ادارہ ) میں اسرائیلیوں کی اکثریت کی خواہش کے خلاف خصوصی پالیسیوں پر عمل پیرا نہیں ہوں اور اسرائیل کے مفادات کو نقصان پہنچانے کے لیے کام نہیں کرتا۔
امریکی صدر جو بائیڈن نے غیر قانونی صیہونی ریاست اسرائیل کے وزیراعظم نیتن یاہو پر غزہ کی صورتحال کے حوالے سے تشویش کا اظہار کرتے ہوئے کہا ہے کہ رفح پر حملے سے متعلق نقطہ نظر اسرائیل کو فائدے سے زیادہ نقصان پہنچا رہا ہے۔
جوبائیڈن کے بیان کے جواب میں اسرائیلی وزیر اعظم نیتن یاھو نے پولیٹیکو کے ساتھ ایک انٹرویو میں کہا ہے کہ امریکی صدر بائیڈن کے رفح میں ہماری پالیسی کے حوالے سے اندازے غلط ہیں اور میری پالیسیوں کو اسرائیلیوں کی اکثریت کی حمایت حاصل ہے۔
انہوں نے مزید کہا کہ وہ بالکل نہیں جانتے کہ امریکی صدر کا کیا مطلب ہے۔ میں اسرائیلیوں کی اکثریت کی خواہش کے خلاف خصوصی پالیسیوں پر عمل پیرا نہیں ہوں اور اسرائیل کے مفادات کو نقصان پہنچانے کے لیے کام نہیں کرتا۔
نیتن یاھو نے دعویٰ کیا کہ ان کی پالیسی کو اسرائیلیوں کی بھاری اکثریت کی حمایت حاصل ہے۔ انہوں نے کہا وہ حماس کو تباہ کرنے کے لیے حکومت کی جانب سے کیے گئے اقدام کی حمایت کرتے ہیں۔ انہوں نے اعلان کیا کہ حماس کے وجود کے خاتمے کے ساتھ ہی اسرائیل کو آخری کام کے طور پر فلسطینی اتھارٹی کو غزہ کی پٹی کا اقتدار دینا ہے۔