(روزنامہ قدس ۔آن لائن خبر رساں ادارہ) صہیونی آبادکاروں کے ہاتھوں زخمی فلسطینی کو القدس کے حداسہ عین کارم ہسپتال منتقل کردیا گیا ہے جہاں ڈاکٹرز نے جانچ کے بعد زخمی شہری کی ٹانگ کی ہڈی کے ٹوٹنے کی اطلاع ہے۔
ذرائع کے مطابق گذشتہ روز مقبوضہ بیت المقدس کے شہر سلوان سے تعلق رکھنے والے ایک فلسطینی ڈرائیور محمد رویدی پرقابض صہیونی ریاست میں ناجائز طور پر آبادصہیونی شر پسندوں کے ایک منظم گروہ نے نہتے فلسطینی پر پتھراؤ کر کے رکنے پر مجبور کر دیا اور اسے گاڑی سے اتار کر لاٹھیوں سے تشدد کا نشانہ بنایا۔
عینی شاہدین نے بتایا کہ صہیونی آبادکارں نے گاڑی پر حملے کے دوران پیٹرول چھڑک کر فلسطینی ڈرائیور کو گاڑی سمیت نذر آتش کرنے کی کوشش کی۔
صہیونی آبادکاروں کے ہاتھوں تشدد کے نتیجے میں شدید زخمی حالت میں فلسطینی کو القدس کے حداسہ عین کارم ہسپتال منتقل کردیا گیا ہے جہاں ڈاکٹرز نے جانچ کے بعد زخمی شہری کی ٹانگ کی ہڈی کے ٹوٹنے کی اطلاع ہے ، صہیونی آبادکاروں نے فلسطینی ڈرائیور کی گاڑی کو بھی بری طرح تباہ کیااورگاڑی کے شیشے تاڑ کرٹائروں کو ناکارہ بنادیا۔
یاد رہے کہ مقبوضہ فلسطین میں آئے روز صہیونی شر پسند عناصر فلسطینیوں کے ساتھ مختلف بہانوں سے تصادم کا بازار گرم رکھتے ہیں اوراس دوران قابض فوج بے گناہ فلسطینی باشندوں کو مزاحمت کے الزامات لگا کر گرفتار کر کے صہیونی زندانوں میں ڈال دیتی ہے۔