(روزنامہ قدس ۔آنلائن خبر رساں ادارہ) نفتالی بینیٹ نے اپنے دورہ امریکہ کے دوران کہا ہے کہ مشرق وسطیٰ میں بڑھتی کشیدگی کی اصل وجہ ایران ہے جو اسرائیل کی سالمیت کے لیے کھلا خطرہ ہے۔
عالمی خبر رساں ادارے کے مطابق اسرائیلی وزیر اعظم نفتالی بینیٹ نے اقتدار سنبھالنے کے بعد اپنے پہلے ریاستی دورے کے دوران گذشتہ روز امریکی وزیر دفاع لائیڈ آسٹن اور وزیر خارجہ انتھونی بلینکن سے علیحدہ علیحدہ ملاقات کی۔
ملاقات میں صہیونی وزیر اعظم نے امریکی وزیر خارجہ سے گفتگو کے آغاز میں کہا کہ وہ جوبائیڈن اور انتظامیہ کے عہدیداروں کے ساتھ بنیادی طور پر ایران کو جوہری ہتھیاروں کی دوڑ سے دور رکھنے اور اس مقصد کے لیے کیا لائحہ عمل اختیار کیا جائےکے حوالے سے بات کرنے کا ارادہ رکھتے ہیں۔
نفتالی بینیٹ نے ایران اور عالمی طاقتوں کے درمیان ایک نئے جوہری معاہدے کے امکان کے خلاف بات کی ہے ان کا کہنا ہے کہ مشرق وسطیٰ میں بڑھتی کشیدگی کی اصل وجہ ایران ہے جو اسرائیل کی سالمیت کے لیے کھلا خطرہ ہے۔