(روز نامہ قدس ۔آنلائن خبر رساں ادارہ ) غاصب صہیونی فوج نے ایک فلسطینی پیرامیڈک ٹیم کو اس وقت نشانہ بنایا جب وہ جھڑپ میں زخمی ہونے والے فلسطینیوں کو طبی امداد فراہم کرنے کی کوشش کررہے ہیں۔
فلسطینی وزارت صحت کی جانب سے جاری کردہ بیان میں وزیرصحت می کیلہ نے گذشتہ روز مغربی کنارے کے مشرقی شہر نابلس میں اسرائیلی فوج کے ساتھ جھڑپ میں زخمی ہونے والے فلسطینی طبی عملے پر صہیونی فورسز کی فائرنگ کی شدید الفاظ میں مذمت کرتے ہوئے کہا ہے کہ بین القوامی اداروں کو اسرائیل کی مجرمانہ کارروائیوں کا نوٹس لینا چاہئے۔
واضح رہے کہ گذشتہ روز صیہونی فورسزنے نابلس میں فلسطینیوں کے خلاف سرچ آپریشن کے نام پر لوٹ مار شروع کی اور مکینوں کو تشدد کا نشانہ بنایا جس کے ردعمل میں فلسطینی نوجوانوں نے مزاحمت کی، اسرائیلی فوج نے فلسطینیوں کو منتشر کرنے کےلئے فائرنگ کی جس کے نتیجےمیں 35 سے زائد فلسطینی زخمی ہوئے۔