(روز نامہ قدس ۔آنلائن خبر رساں ادارہ ) اسرائیلی فوج پر غیر معمولی حملوں کو روکنے کے لئے صہیونی ریاست نے نابلس شہر کا محاصرہ شروع کیا تھا جو تین ہفتے گزرنے کےباوجود جاری ہے، اسپتال اور بازار بند ہونے سے شہریوکو غذائی قلت کا سامنا۔
فلسطینی ذرائع کے مطابق غیر قانونی صہیونی ریاست اسرائیل نےمقبوضی بیت المقدس کے شہر نابلس (جو اسرائیلی فوجیوں پر حملوں کا مرکز سمجھا جارہا ہے) کا تین ہفتوں قبل محاصرہ کیا تھا جو تاحال جاری ہے ۔
آج صبح فلسطینی شہریوں نے نابلس شہر میں حوارہ چیک پوسٹ کے قریب غیر قانونی محاصرہ ختم کرنے کےلئے احتجاجی مظاہرہ کیا جن کو منتشر کرنے کے لئے صہیونی فوج نے بھاری مقدار میں زہریلی گیس اور ربڑ کی گولیاں برسائیں جس کی زد میں آکر متعدد فلسطینی زخمی اور درجنوں بے ہوش ہوگئے۔
یہ بھی پڑھیے
اسرائیل فوج ہمیں تحفظ دینے میں ناکام ہوچکی ہے، سربراہ یہودی آبادکاری کونسل
صہیونی فوج کی جانب سے جاری بیان میں کہا گیا ہے کہ نابلس شہر مزاحمت کاروں کا مرکز بن گیا ہے جہاں سے اسرائیلی سیکیورٹی فورسز سمیت صہیونی آبادکاروں پر منظم حملے کئے جارہے ہیں ، ان حملوں کو روکنے کے لئے محاصرہ کیا گیا ہے اور جب تک مطلوبہ نتائج حاصل نہیں کرلئے جاتے محاصرہ ختم نہیں کیا جائے گا، دوسری جانب تین ہفتوں سے جاری محاصرے کے باعث اسپتال ، فارمیسز اور بازار بند ہیں جس کی وجہ سے خوراک کی قلت پیدا ہوگئی ہے۔