(روز نامہ قدس ۔آنلائن خبر رساں ادارہ ) اسرائیلی محاصرے سے نابلس گورنری میں جو المناک حالات ہیں، ان میں عالمی برادری بالخصوص اقوام متحدہ کو فوری اور فیصلہ کن موقف اختیار کرنے کی ضرورت ہے۔
تفصیلات کے مطابق گذشتہ روز عرب پارلیمنٹ کی جانب سے جاری بیان میں مقبوضہ بیت المقدس کے شہر نابلس میں صہیونی فوج کے گذشتہ دس روز سے جاری محاصرے پر سخت تنقید کرتے ہوئے کہا ہے کہ نابلس پر صہیونی قوج کا محاصرہ تمام بین الاقوامی قوانین اور اصولوں کی کھلی خلاف ورزی ہے، عالمی برادری دس روز سے سے زائد عرصے سے جاری محاصرے کو ختم کرنے کے لیے مداخلت کرے۔
بیان میں محاصرے کی وجہ سے اقتصادی صورت حال میں پیدا ہونے والے بگاڑ اورشہر کے لوگوں کے لیے روز مرہ تکالیف میں اضافہ کا حوالہ دیتے ہوئے کہاگیا ہے کہ فلسطینیوں کو اپنی معمول کی زندگی گزارنے سے روک دیا گیا ہے۔
یہ بھی پڑھیے
فلسطینی مزاحمت کار اسرائیل کے لئے سنگین خطرہ، اسرائیلی اسلحہ خانے سے ہزاروں گولیاں اور گولا بارود چرالیا
عرب پارلیمنٹ نے زور دے کر کہا کہ محاصرے کی وجہ سے نابلس گورنری میں جو المناک حالات ہیں، ان میں عالمی برادری بالخصوص اقوام متحدہ سے فوری اور فیصلہ کن موقف اختیار کرنے کی ضرورت ہے تاکہ وہ ان خلاف ورزیوں کو روکنے کے لیے اپنی اخلاقی، قانونی اور سیاسی ذمہ داریاں ادا کرسکے۔
انہوں نے انسانی حقوق کونسل، اقوام متحدہ کے ہائی کمشنر برائے انسانی حقوق اور متعلقہ اداروں سے مطالبہ کیا کہ وہ قابض ریاست کے غیر انسانی عمل کو روکیں۔
عرب پارلیمنٹ نے متعدد اداروں کی جانب سے شروع کیے گئے اقدامات کے لیے اپنی حمایت کا اظہار کیا، جس کا مقصد نابلس پر ناجائز محاصرہ ختم کرنا،علاقے کے لوگوں کو اپنی معمول کی زندگی گزارنے میں مدد فراہم کرنا، اور اس محاصرے کی وجہ سے ابتر ہونے والی بنیادی خدمات تک ان کی رسائی کو یقینی بنانا ہے۔ .