(روزنامہ قدس ۔آن لائن خبر رساں ادارہ) غیث یمین 2022 ءمیں اسرائیلی فورسز کے ہاتھوں شہید ہونے والے بچوں میں 12واں فلسطینی بچہ ہےجسے سر میں گولی مار کر شدید زخمی کر دیاگیا بعد ازاں ہسپتال منتقلی کے دوران بچہ جان کی بازی ہار گیا۔
مقامی ذرائع ابلاغ کے مطابق مقبوضہ مغربی کنارے کے شہر نابلس میں ایک روز قبل صہیونی فوج کی گولیوں کا نشانہ بننے والے 16 سالہ فلسطینی بچے غیث یمین کی نماز جنازہ میں سوگوار خاندان کے عزیز و اقارب، اہل علاقہ اور سماجی و سیاسی تنظیموں سے تعلق رکھنے والے سینکڑوں افراد نے شرکت کی۔
فلسطینی بچے کو قابض فوج نے نابلس میں حصرت یوسف علیہ السلام کےمزار کے قریب اس وقت شہید کیا جب صہیونی آبادکاروں کے فلسطینیوں کو زبردستی مزار یوسفؑ سے نکالنے کے دوران تصادم ہو ااور قابض فوج اور فلسطینی باشندوں کے درمیان جھڑپوں کا سلسلہ شروع ہوا اور 80م کے قریب افراد زخمی ہوئے۔
خیال رہے کہ غیث یمین 2022ءمیں اسرائیلی فورسز کے ہاتھوں شہید ہونے والے بچوں میں 12واں فلسطینی بچہ ہے، صہیونی فوج نے غیث کے سر میں گولی مار کر شدید زخمی کر دیا تھا بعد ازاں ہسپتال منتقلی کے دوران بچہ جان کی بازی ہار گیا۔