(روزنامہ قدس ۔آن لائن خبر رساں ادارہ) اسرائیلی کھدائی سے یہ شگاف اسلامی عجائب گھر کے قریب، مسجد میں دیوار براق سے متصل مغربی گیٹ کے تمام راستوں اور اموی محلات تک ہیں جس سےدشمن کا مقصد قبلہ اول کے تاریخی اسٹیٹس کو مٹاکریہودیت میں بدلنا ہے۔
تفصیلات کے مطابق مقبوضہ بیت المقدس میں مسجد الاقصیٰ کےبزرگ خطیب الشیخ عکرمہ صبری نےاپنے جاری بیان میں اسرائیل کوخبر دار کر تے ہوئے کہا کہ مسجد اقصیٰ کو تنہا کرنے اوراس کے خلاف سازشوں کو عملی جامہ پہنانے کے بدترین نتائج ہونگے جو قابض ریاست کا نام و نشان مٹادیں گے۔
الشیخ عکرمہ نے کہا کہ قابض دشمن اب الاقصیٰ پر اجارہ داری قائم کر رہا ہےاس کے باوجود مسلمان ممالک اور حکومتیں قبلہ اول کو درپیش خطرات سے لاپرواہی برت رہی ہیں جو مسجد کو ناقابل تلافی نقصان پہنچانے کے مترادف ہے۔
انہوں نے مغربی علاقے میں اسرائیلی کھدائیوں کی وجہ سے مسجد کے فرش میں کئی مقامات پر شگاف پڑنے سے مسجد اقصیٰ کولاحق نئے سنگین خطرات سےآگاہ کر تے ہوئے کہا کہ یہ شگاف اسلامی عجائب گھر کے قریب، مسجد میں دیوار براق سے متصل مغربی گیٹ کے تمام راستوں اور اموی محلات تک ہیں جس سے اسرائیل کا مقصد قبلہ اول کے تاریخی اسٹیٹس کو تبدیل کرکے اسے یہودیت میں تبدیل کرنا، مسلمانوں کی اس مذہبی میراث کو مٹا کر اسے یہودیوں کی وراثت قرار دینا ہے۔