(روز نامہ قدس ۔آنلائن خبر رساں ادارہ ) مزاحمت کاروں نے فوجی چوکی پر فائرنگ کی ، بی صالح گاؤں کے قریب ایک فوجی ٹاور کو بھی نشانہ بنایا۔
مقبوضہ فلسطین میں مجاہدین کی جانب سے غیر قانونی صہیونی ریاست اسرائیل کی فوج کے خلاف منظم اور بھرپور حملے جاری ہیں ،اسرائیلی ذرائع ابلاغ کی رپورٹ کے مطابق مقبوضہ بیت المقدس اور مغربی کنارے کے مختلف علاقوں میں مزاحمت کاروں نے اسرائیلی سیکیورٹی فورسز کی غیر معمولی نقل و حرکت اور سرچ آپریشنز کے باوجود کارروائیاں جاری رکھی ہوئی ہیں، ایک ہفتے کے دوران دو اسرائیلی فوجیوں اور ایک آباد کارسمیت تین اسرائیلی ہلاک ہوچکے ہیں جبکہ 80 سے زائد زخمی ہیں۔
گذشتہ رات بھی فلسطینی مزاحمت کاروں نے مغربی کنارے کے کئی علاقوں میں اسرائیلی قابض فوج کو نشانہ بنایا۔مزاحمتی کاروں نے جنین کے جنوب مغرب میں واقع "شاکید” بستی کے قریب قابض فوج پر فائرنگ کی۔انہوں نے جنین کے مغرب میں واقع سالم فوجی چوکی پر تعینات قابض افواج پر شدید فائرنگ کی۔رام اللہ میں مزاحمتی کارکنوں نے فائرنگ اوردیسی ساختہ بموں سے شہر کے شمال مغرب میں نبی صالح گاؤں کے قریب ایک فوجی ٹاور کو نشانہ بنایا۔نابلس میں مزاحمت کاروں نے شہر کے شمال مغرب میں دیر شرف کے قریب قابض فوج کے ایک دستے پر فائرنگ کی۔