(روزنامہ قدس ۔آن لائن خبر رساں ادارہ) امام الشیخ محمد حسین نے کہا کہ عبادت کے لیے مختص مقدس مقامات کی بے حرمتی کی بین الاقوامی قوانین میں کوئی جگہ نہیں پھر بھی قابض حکام ان سب قوانین کو کھلے عام پامال کرتے ہیں اورمسلمان حکمران خاموش ہیں۔
عالمی ذرائع ابلاغ کے مطابق گذشتہ روز القدس اور دیگرفلسطینی علاقوں کے مفتی اعظم مسجد الاقصیٰ کے امام الشیخ محمد حسین کی جانب سے قبلہ اول پر صہیونی شر پسندوں کے مسلسل جاری دھاوؤں پر صہیونی حکمرانوں کی سرپرستی پر مسلم ریاستوں کے حکمرانوں کی خاموشی کو بے حسی سے تشبیہ دیتے ہوئے متنبہ کیا ہے کہ مسجد اقصیٰ کی حرمت کی حفاظت تمام امت مسلمہ پر برابر سے عائد ہوتی ہے اور اس مقام پر اختیارات کے استعمال میں تاخیرپر مسلمانوں کو آخرت میں جوابدہ ہونا پڑے گا۔
مفتی اعظم نے اپنے بیان میں کہا کہ قابض حکام کی جانب سے رمضان المبارک کے مقدس مہینے میں بدامنی کے حوالے سے پھیلائے جانے والے خدشات ان کے مذموم عزائم کی ایک تمہید ہیں جنہیں وہ مسجد اقصیٰ کے خلاف نافذ کریں گےانہوں نے خبردار کیا کہ قابض حکام کو ان گھناؤنے فیصلوں کے نتائج کے ذمہ دار ہونگے جو خطے میں نفرت کی آگ کو بھڑکانے اور مسجد اقصیٰ کو کنٹرول کرنے کےلیے استعمال کیے جارہے ہیں۔