(روزنامہ قدس ۔آن لائن خبر رساں ادارہ) قابض اسرائیلی فوج خاص طور پر مقبوضہ مغربی کنارے میں وسیع پیمانے پر گرفتاری کی مہم کا آغاز کرتی ہے جس میں فلسطینی شہریوں کو ان کے گھروں سے اغواء کرکے نامعلوم مقامات پر منتقل کرکے انسانیت سوزسزائیں دی جاتی ہیں۔
تفصیالت کے مطابق گذشتہ روز اسرائیلی قابض فوج کی جانب سے مقبوضہ مغربی کنارے میں علی الصبح شروع کیا گیا وحشیانہ کریک ڈاؤن جس کے نتیجے میں مختلف فلسطینی علاقوں سے بڑے پیمانے پر فلسطینیوں کی گرفتاریاں عمل میں لائی گئیں اور قابض ریاست کے مسلح اہلکاروں نے گھروں پر چھاپوں کے دوران لوگوں پر وحشیانہ تشدد کیا۔
فلسطینی قیدیوں کے انفارمیشن آفس نے بتایا کہ اسرائیلی فوج نے الخلیل شہر پر چھاپہ مار کر فلسطینی صحافی مصعب قفیشہ اورنوجوان فیاد شبانہ سمیت 8 افراد کو ان کے گھروں سے گرفتارکرلیاجبکہ رام اللہ میں چار شہریوں کو گرفتار کرلیا۔
مقامی ذرائع نے بتایا کہ صہیونی فورسز نے فلسطینی کارکن فخری الرنتیسی کو رام اللہ کے مغرب میں واقع ان کے گھر سے گرفتار کیااس کے علاوہ فلسطینی سابق قیدی خلیل دویکات کو نابلس میں رہا کرنےکے بعد دوبارہ حراست میں لے لیاجبکہ بیت لحم کے جنوب میں واقع دھیشہ پناہ گزین کیمپ سے ایک فلسطینی شخص اور اس کے بیٹے کو بھی بغیر کسی جرم کے گرفتار کیا گیا۔
واضح رہے کہ قابض اسرائیلی فوج خاص طور پر مقبوضہ مغربی کنارے میں وسیع پیمانے پر گرفتاری کی مہم کا آغاز کرتی ہے جس میں فلسطینی شہریوں کو ان کے گھروں سے اغوا ءکر کے نامعلوم مقامات پر منتقل کر کے انسانیت سوز سزائیں دی جاتی ہیں۔